Home First Air 75 ᐊᕐᕌᒍᐃᑦ ᑖᕗᖓᒋᐊᒃᑲᓐᓂᕐᓗ / 75 years and counting

75 ᐊᕐᕌᒍᐃᑦ ᑖᕗᖓᒋᐊᒃᑲᓐᓂᕐᓗ / 75 years and counting

272
0
ᖃᐅᔨᑎᑦᑎᓂᖅ... ᓄᑖᖑᓛᖑᔪᖅ ᐃᓚᒋᔭᐅᔪᖅ ᖃᖓᑕᓲᖁᑎᑦᑎᓐᓂ! ᑖᓐᓇ ᓱᐴᔫᖅ 737-700. ᐋᖅᑭᒃᑕᐅᓯᒪᔪᖅ ᐊᐅᓚᓂᖃᕐᓂᐊᖅᖢᓂ ᐃᐊᑦᒥᓐᑕᓐᒥᑦ, ᑖᓐᓇ ᓄᑖᖑᓛᖑᓂᐊᖅᑐᑦ ᖃᖓᑕᓲᖅ ᖃᖓᑕᖃᑦᑕᕐᓂᐊᖅᑐᑦ ᓵᑕᒃᑯᑦ ᖃᖓᑕᖃᑦᑕᕐᓂᐊᖅᑐᓄᑦ ᐅᐊᓐᓇᖓᓂ ᒥᐊᓕᒐᐃᑦ. ᖁᕕᐊᓱᒃᐲᑦ ᑕᑯᔭᕆᐊᒃᓴᖅ ᑖᔅᓱᒥᖓ ᓄᕗᔭᓃᑎᓪᓗᒍ? Introducing… the newest member of our fleet! This is a Boeing 737-700. Set to operate out of Edmonton, this will be the newest aircraft to fly our Charter guests across North America. Are you excited to see this plane up in the clouds? © Amber Laura Photography @amberlaura.photography

ᐱᔨᑦᓯᕋᕐᓂᖅ ᐅᑭᐅᖅᑕᖅᑐᒥᐅᓂᒃ

ᐊᑦᑕᓇᙱᑦᑐᒥ ᑐᑦᑕᕐᕕᐅᒍᓐᓇᖅᑐᒥᓪᓗ ᐱᒻᒪᕆᐅᓪᓚᕆᒻᒪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᓯᐊᕐᓂᕐᒧᓪᓗ ᐅᑭᐅᖅᑕᖅᑐᕐᒥᐅᑕᓕᒫᕐᓄᑦ ᐃᑲᔪᖅᑎᓪᓚᕆᐅᓪᓗᓂᓪᓗ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. 

Serving northerners

Safe and reliable air service is critically important to the health and well-being of all Northerners and is a key contributor to the economic sustainability of Canada’s Arctic.

ᖁᕕᐊᓲᑎᖃᕐᓂᖅ 75ᓂᒃ ᐊᕐᕌᒍᕐᓂᑦ ᐱᒋᐊᙵᐅᑎᒋᓯᒪᔭᖓᓐᓂ ᐊᖏᔪᒻᒪᕆᐅᔪᖅ ᓇᐅᑐᐃᓐᓇᕐᒧᑦ ᑎᒥᐅᔪᒧᑦ. ᑕᕝᕙᓂ ᐊᕐᕌᒍᑦᑎᓐᓂ ᕗᕌᑦᓕ ᖃᖓᑕᓲᓕᕆᔩᑦ (Bradley Air Services Ltd.), ᐊᐅᓚᕙᑦᑐᑦ ᖃᐅᔨᒪᔭᐅᒍᑎᖃᖅᑐᑎᑦ ᑲᓇᐃᑎᐊᓐ ᓄᐊᑦᒥ (Canadian North), ᐃᓕᑕᖅᓯᕗᑦ 75ᓂᒃ ᐊᕐᕌᒍᕐᓂᒃ ᐊᐅᓚᐃᓐᓇᖅᓯᒪᒋᐊᖅ (ᑲᓇᑕᒥ ᖃᖓᑕᓲᓕᕆᔨᑐᖃᐅᓂᖅᐹᓄᑦ ᐃᓚᒋᔭᐅᓪᓗᓂ), ᐅᖓᓯᑦᑐᓄᑦ ᑎᑭᐅᑎᓯᒪᓂᖃᖅᑐᓂ ᐃᑲᔪᖅᓯᒪᓂᖓ ᐅᑭᐅᖅᑕᖅᑐᒥ ᖃᖓᑕᓲᓕᕆᓂᒃᑯᑦ, ᐅᐱᒍᓱᓐᓂᑦᑎᓐᓂᓪᓗ ᐱᔨᑦᓯᕋᖅᐸᓐᓂᕐᒥ ᑲᓇᑕᐅᑉ ᐅᑭᐅᖅᑕᖅᑐᒥᐅᑕᖏᓐᓂᒃ.

ᑲᓇᐃᑎᐊᓐ ᓄᐊᑦ (Canadian North) ᑲᑐᔾᔨᓪᓗᑎᑦ ᓇᒻᒥᓂᕆᔭᐅᔪᖅ ᒪᑭᕕᒃ ᑯᐊᐸᕇᓴᒃᑯᓐᓄᑦ ᐃᓄᕕᐊᓗᐃᑦ ᐊᕕᑦᑐᖅᓯᒪᔪᓂ ᑯᐊᐸᕇᓴᒃᑯᓐᓄᓪᓗ, ᐃᓄᓐᓄᑦ ᓇᒻᒥᓂᕆᔭᐅᔪᑦ ᑭᒡᒐᖅᑐᐃᓪᓗᑎᑦ ᐃᓄᖁᑎᖏᑦᑕ ᑮᓇᐅᔭᓕᐅᕋᓱᐊᕐᓂᕐᒧᓪᓗ ᐱᓕᕆᐊᕆᔭᐅᒍᒪᔪᓂ ᐃᓄᓐᓄᑦ ᓄᓇᕕᒻᒥ ᐃᓄᕕᐊᓗᐃᑦ ᓄᓇᖓᓐᓂᓪᓗ. ᑐᑭᑖᖅᓯᒪᔪᑦ ᐱᕈᖅᑎᑦᓯᒐᓱᐊᕆᐊᖅ ᖃᖓᑕᓲᓕᕆᓂᕐᒥ ᐊᑦᑕᓇᙱᑦᑐᒥ ᑐᑦᑕᕐᕕᐅᒍᓐᓇᖅᑐᒥᓪᓗ ᐱᒻᒪᕆᐅᓪᓚᕆᒻᒪᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᙱᑦᓯᐊᕐᓂᕐᒧᓪᓗ ᐅᑭᐅᖅᑕᖅᑐᕐᒥᐅᑕᓕᒫᕐᓄᑦ ᐃᑲᔪᖅᑎᓪᓚᕆᐅᓪᓗᓂᓪᓗ ᑮᓇᐅᔭᓕᐅᕋᓱᐊᕐᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. 

ᑐᑭᒧᐊᒍᑎᖃᖅᑯᒍᑦ ᑐᕌᒐᕆᒍᒪᔭᑦᑎᓐᓂ − ᐱᕚᓪᓕᕆᐊᕈᒪᓪᓗᒋᑦ ᐃᓅᓯᖏᑦ ᐃᓄᖁᑎᑦᑕ, ᐱᔨᑦᓯᕋᖅᐸᑦᑕᑦᑕ, ᓄᓇᓖᓪᓗ ᐱᔨᑦᓯᕋᖅᐸᑦᑕᕗᑦ. ᑕᒪᓐᓇ ᑐᑭᖃᖅᑐᖅ ᐱᔨᑦᓯᕋᖅᐸᑦᑕᕗᑦ ᑲᓱᖅᑎᐸᑦᑐᒋᑦ ᐃᓄᓐᓄᑦ, ᓄᓇᓄᑦ, ᓱᓇᑐᐃᓐᓇᕐᓄᓪᓗ ᐱᒻᒪᕆᐅᒋᓂᖅᐹᖏᓐᓄᑦ, ᐃᖅᑲᓇᐃᔭᖅᑎᑦᓯᓪᓗᑕ ᐱᐅᔪᓪᓚᕆᓐᓂᒃ ᐃᖅᑲᓇᐃᔮᑦᓴᕐᓂᒃ ᐱᓕᕆᕕᓕᒫᑦᑎᓐᓂ, ᐃᑲᔪᖃᑦᑕᕆᓪᓗᑕᓪᓗ ᐱᒻᒪᕆᐅᔪᓂᒃ ᖃᓄᐃᓕᐅᕈᑕᐅᔪᓂᒃ ᐱᒋᐊᖅᑎᑕᐅᕙᑦᑐᓂᓪᓗ ᐊᖅᑯᑕᐅᓪᓂ ᓄᓇᓕᓐᓂ ᒪᑭᒋᐊᖅᑎᑦᓯᓂᕐᒥ ᐱᓕᕆᐊᖅ. 

ᐆᑦᑑᑎᒋᓗᒍ ᐃᓚᒋᔭᐅᓪᓗᓂ ᐊᒥᓱᒻᒪᕆᓐᓂ ᓄᓇᓕᓐᓂ ᐱᒋᐊᖅᑎᑕᐅᓯᒪᔪᓂ ᐃᑲᔪᖅᓯᒪᓂᕗᑦ, ᐊᐅᓪᓚᖅᑎᑦᓯᓯᒪᔪᒍᑦ ᐅᖓᑖᓃᑦᑐᓂ 5000 ᐳᑦᑕᖅᑯᑎᓂᒃ ᐅᑭᐅᖅᑕᖅᑐᒧᑦ ᑭᒡᒐᑐᖅᑐᒋᑦ ᐱᓕᕆᓂᖅ ᐃᓅᓯᕐᒥ ᐱᐅᓕᑦᓯᓂᕐᒥ, ᑎᒥᐅᓪᓗᓂ ᐃᑲᔪᖅᐸᑦᑐᖅ ᐅᑭᐅᖅᑕᖅᑐᒥᐅᑕᕐᓂᒃ ᒪᒃᑯᑦᑐᓂᒃ ᐊᑦᑕᓇᙱᑦᑐᒦᑦᑎᑦᓯᓂᕐᒥ ᐃᒫᓃᑦᑎᓪᓄᒋᑦ. ᑮᓇᐅᔭᓕᐅᕋᑎᑦ ᐱᓕᕆᔨᖏᑦ ᐃᓕᓯᒪᓕᖅᑐᑦ ᑐᓂᓯᓂᒃᑯᑦ ᓄᑕᖅᑲᓄᑦ ᐳᑦᑕᖅᑯᑎᓂᒃ ᐊᑦᑐᐃᓂᖃᓪᓚᕆᑉᐸᒻᒪᑦ ᖁᕕᐊᓱᓕᖅᑎᑦᑐᒋᑦ ᐃᒫᓃᓐᓂᒃᑯᑦ ᐊᑦᑕᓇᙱᑦᑐᓕᕆᓂᕐᒥ, ᑕᐃᒪᐃᒻᒪᑦ ᑲᓇᐃᑎᐊᓐ ᓄᐊᑦᑯᑦ (Canadian North) ᖁᕕᐊᓪᓚᕆᓚᐅᖅᑐᑦ ᐃᑲᔪᕈᓐᓇᕆᐊᖅ ᐊᐅᓪᓚᖅᑎᑦᑐᒋᑦ ᐅᑭᐅᖅᑕᖅᑐᒥ ᓄᓇᓕᓐᓄᑦ. 

“ᐱᓕᕆᓂᖅ ᐃᓅᓯᕐᒥ ᐱᐅᓕᑦᓯᓂᕐᒥ ᐃᑲᔪᕕᓐᓇᕋᔭᓚᐅᙱᑦᑐᖅ ᐊᒥᓱᓪᓚᕆᓐᓂᒃ ᓄᓇᓕᓐᓂᒃ ᑲᓇᐃᑎᐊᓐ ᓄᐊᑦᑯᑦ (Canadian North) ᐱᑕᖃᕐᓂᙱᑉᐸᑕ ᐃᑲᔪᕈᒪᓂᖏᓪᓗ ᓄᓇᓕᓐᓂ,” ᐅᖃᖅᑐᖅ ᓯᑕᕙᓂ ᕌᓐᑭᓐ (Stephanie Rankin), ᐱᓕᕆᔨ ᐃᓅᓯᕐᒥ ᐱᐅᓕᑦᓯᓂᕐᒧᑦ . 

ᖃᖓᑕᓲᕐᒥ ᐱᔨᑦᓯᕋᖅᑕᐅᔪᑦ ᐅᓯᒃᑯᒃᑯᓪᓗ ᐱᔨᑦᓯᕋᖅᑕᐅᕙᑦᑐᑦ ᑐᙵᕕᖃᖅᐸᑦᑐᑦ ᑲᓇᐃᑎᐊᓐ ᓄᐊᑦᑯᓐᓂᒃ (Canadian North) ᓱᓇᓕᒫᕐᓄᑦ ᐃᓅᓯᖏᓐᓂ, ᓂᕆᔭᑦᓴᓂᒃ ᖁᓕᕈᐊᖏᓐᓅᕈᔾᔨᓂᒃᑯᑦ, ᓱᓇᒃᑯᑖᕐᓂᓪᓗ ᐊᖏᕐᕋᖏᓐᓅᕈᔾᔨᓂᒃᑯᑦ, ᐊᑐᐃᓐᓇᖃᖅᑎᑦᓯᓂᒃᑯᑦ ᐋᓐᓂᐊᖃᕐᓇᙱᑦᑐᓕᓂᕐᒧᑦ ᐊᑐᖅᑕᐅᕙᑦᑐᓂᒃ, ᓱᓇᑐᐃᓐᓇᕐᓂᓪᓘᓐᓃᑦ ᐱᒋᐊᖃᓪᓚᕆᑦᑕᒥᓐᓄᑦ. ᓵᑕᖅᓂᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᑕᐃᒫᑦᓴᐃᓐᓇᖅ ᑐᙵᕕᖃᖅᐸᑦᑐᑦ ᐱᐊᓚᐃᑦᑐᒥ ᐊᐅᓪᓚᐅᓪᔨᖃᑦᑕᕐᓗᒋᑦ ᐃᖅᑲᓇᐃᔭᖅᑎᐅᔪᑦ ᐱᔭᐅᒋᐊᖃᖅᑎᓪᓗᒋᑦ ᑲᔪᓯᑦᓯᐊᖁᓪᓗᒋᑦ ᐊᖏᔫᑏᑦ ᑮᓇᐅᔭᑎᒍᑦ ᐱᕈᖅᐸᓪᓕᐊᒍᑕᐅᒐᓱᐊᖅᑐᑦ. ᐱᒍᓐᓇᖅᑎᑉᐸᑦᑕᕗᑦ ᐃᖅᑲᓇᐃᔭᖅᑎᖏᑦ ᑮᓇᐅᔾᔭᓴᕈᓐᓇᖅᑎᑦᑐᒋᑦ ᐃᑲᔪᓚᕿᓪᓗᑎᑦ ᐃᓚᒥᓐᓂ. 

“ᑲᓇᐃᑎᐊᓐ ᓄᐊᑦᑯᑦ ᐅᓯᕙᑦᑐᑦ (Canadian North Cargo) ᐱᓕᕆᖃᑎᓪᓚᕆᐅᔪᑦ, ᐱᔨᑦᓯᕋᖅᑕᐅᓪᓗᑎᑦ, ᐅᓯᕙᑦᑐᑎᓪᓗ ᐊᑐᖅᐸᑦᑕᕗᑦ ᐃᓕᑕᕆᒍᒪᓪᓗᑎᒍᓪᓗ ᐱᓕᕆᐊᖃᑦᓯᐊᓪᓚᕆᑦᓯᒪᓂᖏᑦ ᐊᕐᕌᒍᕐᓂᒃ ᐊᓂᒍᖅᑐᓂ ᓂᕆᐅᑦᓯᐊᖅᑯᒍᓪᓗ ᐱᓕᕆᖃᑎᒋᓂᐊᕆᐊᖏᑦ ᐊᕐᕌᒍᕐᓂᒃ ᐊᒡᒋᕐᓂᐊᖅᑐᓂᒃ!” ᐅᖃᖅᑐᖅ ᕼᐊᑐ ᓯᑑᕈᑦ (Heather Stewart), ᐊᖏᔪᖅᑳᖅ, ΒΒΕᑯᓐᓂᒃ. 

ᑲᓇᐃᑎᐊᓐ ᓄᐊᑦ (Canadian North) ᓵᑕᖅᑎᒻᒪᕆᐅᒻᒥᔪᑦ ᐊᖏᔫᑎᓄᑦ ᐃᖅᑲᓇᐃᔭᕐᕕᒻᒪᕆᐅᔪᓄᑦ ᐱᒋᐊᖃᖅᐸᑦᑐᓂ ᑐᙵᕕᐅᔪᓐᓇᖅᑐᓂ, ᐱᐊᓚᔪᓂ, ᐊᑭᑐᓗᖓᙱᑦᑐᓂᓪᓗ ᐊᐅᓪᓚᐅᔾᔨᖃᑦᑕᕆᐊᑲᖅᑐᓂ ᓵᑕᖅᑎᒍᑦ ᐱᔨᑦᓯᖅᑲᑦᑕᓂᒃᑯᑦ. ᒪᓂᒻᒥᓪᓗᑎᑦ ᓵᑕᕈᓐᓇᕐᓂᕐᒥ ᐅᐊᓐᓇᖓᓂ ᒥᐊᓕᒐᐃᑦ ᐅᖓᑖᓄᒋᐊᕐᓗ ᐱᙳᐊᖅᑎᒻᒪᕆᓐᓄᑦ, ᓵᑕᖅᑎᓪᓚᕆᐅᓪᓗᑎᑦ ᓱᐴᔫᓕᓐᓄᑦ ᐊᖅᓴᖅᑎᓄᑦ (ΧΦΛ), ᐅᒥᐊᕐᔪᐊᒃᑯᑦ ᐳᓚᕋᖅᑎᓄᑦ, ᐊᓯᖏᓐᓄᓪᓄ ᐊᖏᔫᑎᓄᑦ ᐱᓕᕆᕕᓐᓄᑦ. 

ᐊᕐᕌᒍᑕᒫᑦ ᐃᑭᒪᔨᐊᖃᖅᐸᑦᑐᒍᑦ ᒥᑦᓵᓃᑦᑐᓂᒃ 350,000 ᐃᓄᓐᓂ 22 ᒥᓕᔭᓐᓂᓪᓗ ᑭᓗᒍᕌᒻᓂᒃ ᐅᖁᒪᐃᓐᓂᓕᓐᓂᒃ ᐅᓯᓂᒃ ᑎᑎᖅᑲᕐᓂᓪᓗ ᓯᕕᑐᔪᓪᓚᕆᐅᓪᓗᓂ ᐊᐅᓪᓚᕐᕕᒋᕙᑦᑕᕗᑦ. ᐊᒥᓲᓂᖅᓴᐃᑦ ᖃᖓᑕᕙᑦᑐᑦ ᐊᑐᖅᑐᑎᑦ ᖃᖓᑕᓲᕐᓂᒃ ᕘᕆᖕ Boeing 737−400, 737−300, 737−200, ᐊᒻᒪᓗ ΑΤΡ 42 ᖃᖓᑕᓲᑦ ᐱᒍᓐᓇᖅᑎᑦᓯᕙᑦᑐᑎᑦ ᐃᓄᓐᓂᒃ ᐃᑭᒪᔨᐊᖃᕐᓂᒃᑯᑦ ᐅᓯᒃᑯᕕᐊᓂᓪᓗ. ᑕᒪᒃᑯᐊ ᖃᓄᑐᐃᓐᓈᕈᓐᓇᖅᑐᑦ ᖃᖓᑕᓲᑦ ᐅᒃᑯᐊᖃᖅᑐᑦ ᐊᖏᔫᑎᓂᒃ ᐊᒥᓱᐃᓪᓗ ᐲᕋᑦᓴᐅᓪᓗᑎᑦ ᐃᑦᓯᕙᐅᑕᖏᑦ ᖁᓛᓃᑦᑐᐃᓪᓗ ᓱᓇᒃᑯᑖᒃᑯᕕᖏᑦ. ᐃᓚᓯᓯᒪᒻᒥᔪᒍᑦ “ᐅᓯᒃᑯᕕᓐᓂᒃ ᓯᒃᑭᑦᑕᕐᓂᒃ” ΑΤR ᖃᖓᑕᓲᕐᓄᑦ ᐅᓯᒃᑲᓐᓂᕈᓐᓇᓚᕿᓪᓗᑕ ᐃᑦᓯᕐᕕᓐᓂ ᐅᓯᔭᐅᒋᐊᓕᓐᓂᓪᓗ ᐱᒋᐊᖃᕈᑎᑦ. ᑕᒪᓐᓇ ᐋᖅᑭᒋᐊᕈᓐᓇᕐᓂᖓ ᐱᒍᓐᓇᖅᑎᑦᓯᕙᑦᑐᖅ ᐋᖅᑭᒋᐊᕈᓐᓇᖅᑐᒋᑦ ᐱᐊᓚᓂᖅᓴᒥᒃ ᐱᔨᑦᓯᕋᕈᓐᓇᖁᓪᓗᑕ. 

ᐊᑐᖅᑕᐅᓯᒪᔪᑦ 

ᐊᕐᕌᒍᕐᓂᒃ 75ᓂᒃ ᐊᑐᖅᓯᒪᔭᕗᑦ ᐃᓗᓕᖃᖅᑐᖅ ᐅᓂᒃᑳᕋᑦᓴᑦᓯᐊᕙᓐᓂᒃ ᐃᖅᑲᐅᒪᓇᖅ ᑐᓂᓪᓗ ᐱᖃᓯᐅᓪᓗᒋᑦ ᕘᔅ ᐃᐊ (First Air), ᑲᓇᐃᑎᐊᓐ ᓄᐊᑦ (Canadian North Inc.), ᐊᒻᒪᓗ ᕗᕌᑦᓕ ᖃᖓᑕᓲᓕᕆᔩᑦ ᐊᑐᖅᓯᒪᔪᑦ ᐊᕐᕌᒍᕐᓂᒃ 75ᓂᒃ ᖃᖓᑕᓲᓖᕆᓂᕐᒥ. 

1946ᒥ, ᕗᕌᑦᓕ ᖃᖓᑕᓲᓕᕆᔩᑦ ᐱᒋᐊᓚᐅᖅᓯᒪᔪᑦ ᖃᖓᑕᓲᕆᐅᖅᓴᖅᑐᓄᑦ ᐃᓕᓐᓂᐊᕐᕕᐅᓪᓗᓂ ᐋᑐᕚ, ᐋᓐᑎᐅᕆᔫᒥ, ᐱᒋᐊᖅᑎᑕᐅᓯᒪᓪᓗᓂ ᕋᓱ ᕗᕌᑦᓕᒧᑦ (Russell Bradley), ᐱᖃᓯᐅᓪᓗᒍ ᐅᐃᓚᓐ “ᕕᑉᔅ (Welland ’Weldy’ Phipps). 1958ᒥ, ᐅᐃᓪᑎ ᕕᑉᔅ ᐱᒋᐊᖅᑎᑦᓯᓚᐅᖅᓯᒪᔪᖅ ᐊᔾᔨᐅᙱᓪᓚᕆᑦᑐᒥᒃ ᐊᑐᖅᑕᐅᓚᐅᖅᓯᒪᙱᑦᑐᒥ ᐊᓯᔾᔩᓪᓗᓂ ᐅᑭᐅᖅᑕᖅᑐᒥ ᖃᖓᑕᓲᓕᕆᓂᕐᒥ, ᐅᑭᐅᖅᑕᖅᑐᒥ ᒥᒍᓐᓇᖅᑐᕐᒥ ᐊᑦᓴᓗᐊᕐᒥᒃ. ᑖᓐᓇ ᐊᑐᖅᑕᐅᓚᐅᖅᓯᒪᙱᑦᑐᕐᒥ ᓴᓇᓯᒪᓂᖅ ᒥᒍᓐᓇᖅᑎᑦᓯᕙᑦᑐᖅ ᐊᐅᓚᓇᙱᓂᖅᓴᒥᒃ ᐅᑭᐅᖅᑕᖅᑑᑉ ᓄᓇᖓᓐᓂ ᐊᑐᖅᑐᓂ ᐊᖏᓈᖅᓯᒪᔪᕐᓂᒃ ᐳᕕᒐᐅᔭᕐᓂᒃ ᐊᑦᓴᓗᐊᕐᓂᒃ, ᐋᖅᑭᑦᑕᐅᒍᑎᑦ ᖃᖓᑕᓲᕋᓚᕐᓄᑦ ᐊᑕᐅᓯᓕᓐᓄᑦ, ᐊᑐᖅᑕᐅᒐᔪᑦᑑᓚᐅᖅᑐᑦ ᑕᐃᑦᓱᒪᓂ, ᒥᒍᓐᓇᖅᑎᑦᓯᓪᓗᑎᑦ ᖃᖓᑦᑕᕈᓐᓇᖅᑎᑦᓯᓪᓗᑎᓪᓗ ᓄᓇᐃᓐᓇᕐᒥ ᒥᑦᑕᕐᕕᓐᓂ. ᑕᒪᑐᒪ ᓴᓇᓯᒪᓂᖓ ᐊᓯᔾᔩᓪᓚᕆᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᖃᖓᑕᓲᖃᑦᑕᕐᓂᕐᒥ, ᒥᒍᓐᓇᓚᕿᓪᓗᓂ ᐊᒥᓱᒃᑲᓐᓂᕐᓄᑦ ᒥᕝᕕᒋᒍᓐᓇᖅᑕᖏᓐᓄᑦ. 

ᐊᕐᕌᒍᐃᑦ ᖁᓕᑦ ᐊᑐᓚᐅᖅᑐᓂ, ᕗᕌᑦᓕ ᖃᖓᑕᓲᓕᕆᔩᑦ (Bradley Sir Services) ᐊᖏᓪᓕᒋᐊᖅᐸᓪᓕᐊᓯᓚᐅᖅᓯᒪᔪᑦ ᓵᑕᖅᑐᓕᕆᓂᒃᑯᑦ ᐅᑭᐅᖅᑕᖅᑐᒥ ᐃᓚᓯᓪᓗᑎᑦ ᐊᖏᓂᖅᓴᓂᒃ ᖃᖓᑕᓲᕐᓂᒃ ᐊᑕᐅᓯᓕᓐᓂᒃ ᐊᔾᔨᒌᙱᑦᑐᓂᒃ. 1971ᖑᓕᖅᑎᓪᓗᒍ, ᒪᕐᕈᓖᑦ ᖃᖓᑕᓲᑦ ᐊᑐᖅᑕᐅᓪᓚᕆᓯᓚᐅᖅᑐᑦ ᐱᔾᔪᑕᐅᓪᓗᑎᑦ ᖃᓄᑐᐃᓐᓇᖅ ᐋᖅᑭᑦᑕᐅᒍᓐᓇᕐᓂᖏᓐᓄᑦ ᑕᑎᒋᔭᐅᒍᓐᓇᕐᓂᖏᓐᓄᓪᓗ ᐅᑭᐅᖅᑕᖅᑑᑉ ᓯᓚᖓᓂᒃ. ᑕᒪᒃᑯᐊ ᐱᒍᓐᓇᖅᓯᓯᒪᓃᑦ ᕗᕌᑦᓕ (Bradley) ᖃᖓᑕᓲᓕᕆᔨᒃᑯᓐᓂᒃ ᒪᑐᐃᖅᑎᑦᓯᒍᓐᓇᓚᐅᖅᓯᒪᔪᑦ ᖃᐅᓱᐃᑦᑐᕐᒥ 1973ᖑᑎᓪᓗᒍ 1975ᒥᓪᓗ ᐱᔨᑦᓯᕋᓯᓚᐅᖅᓯᒪᔪᑦ ᖃᐅᔨᒪᔭᐅᒍᑎᖃᓕᖅᑐᑎᑦ ᕘᔅ ᐃᐊᒥᒃ (First Air). 

1989ᖑᓕᖅᑎᓪᓗᒍ, ᑲᓇᐃᑎᐊᓐ ᖃᖓᑕᓲᓕᕆᔩᑦ ᐱᒋᐊᖅᑎᑦᓯᓚᐅᖅᓯᒪᔪᑦ ᑲᓇᐃᑎᐊᓐ ᓄᐊᑦ ᓇᒻᒥᓂᖁᑎᒥᒃ (Canadian North Inc.) ᐱᔨᑦᓯᕋᖅᑕᓕᖅᑐᑎᑦ ᐅᑭᐅᖅᑕᖅᑐᒥᐅᑕᐃᑦ. ᑕᐃᑦᓱᒪᓂ ᕘᔅ ᐃᐅᒃᑯᑦ (First Air) ᐊᐅᓚᓂᖃᓕᓚᐅᖅᓯᒪᔪᑦ ᐃᖃᓗᓐᓂ, ᓂᐅᕕᖅᑐᑎᓪᓗ ᕿᑭᖅᑖᓗᒻᒥ ᐊᐅᓚᓂᐅᕙᑦᑐᓂᒃ ᐊᖏᓪᓕᒋᐊᖅᑐᑎᓪᓗ ᐱᔨᑦᓯᕋᕐᓂᕆᕙᑦᑕᖏᑦ ᒫᓐᓇ ᖃᐅᔨᒪᔭᐅᓕᖅᑐᕐᒥ ᓄᓇᕗᒻᒥ. 1986ᒥ, ᕘᔅ ᐃᐊ (First Air) ᑲᓱᖅᑎᑦᓯᓚᐅᖅᓯᒪᔪᖅ ᕿᑭᖅᑖᓗᒻᒥᐅᓂᒃ ᐋᑐᕚᒧᑦ ᐊᑐᓕᖅᓱᑎᑦ Β727 ᓯᐴᔫᕐᓂᒃ. 2008 ᑎᑭᑦᑎᓪᓗᒍ, ᑲᓇᐃᑎᐊᓐ ᓄᐊᑦᑯᑦ ᓇᒻᒥᖁᑎᖏᑦ (Canadian North Inc.) ᖃᖓᑕᓲᖁᑎᖃᓕᓚᐅᖅᑐᑦ ᓇᒻᒥᓂᕐᒥᓐᓂ ᐃᖅᑲᓇᐃᔭᖅᑎᖁᑎᖃᖅᑐᑎᓪᓗ, ᐊᑐᓕᖅᓱᑎᑦ ᓇᓄᙳᐊᕐᒥᒃ ᑕᖅᓴᖃᓕᖅᑐᑎᑦ, ᐊᐅᔭᐅᑉ ᓯᕿᓂᙳᐊᖓᓂᒃ, ᐊᖅᓴᕐᓂᙳᐊᓂᓪᓗ. ᐱᔨᑦᓯᕋᕐᓂᕆᕙᑦᑕᖏᑦ ᐊᖏᓪᓕᒋᐊᓚᐅᖅᓯᒪᔪᑦ ᓄᓇᕗᒻᒥ ᐱᔨᑦᓯᕋᓕᖅᓱᑎᑦ ᕿᑭᖅᑖᓗᒻᒥ ᕿᑎᕐᒥᐅᓂᓪᓗ ᓂᐅᕕᐊᕆᕋᑖᖅᑕᒥᓐᓄᑦ ᒪᕐᕈᓕᓐᓄᑦ ᐊᖏᓂᖅᓴᓄᑦ. 

2015ᒥ, ᑲᓇᐃᑎᐊᓐ ᓄᐊᑦ ᓇᒻᒥᓂᖁᑎᖏᑦ (Canadian North Inc.) ᒪᑐᐃᖅᓯᓚᐅᖅᓯᒪᔪᑦ ᓵᑕᕐᕕᓐᓂᒃ ᑕᒪᒃᑮᓐᓂᒃ ᐊᑦᒪᓐᑕᓐᒥ ᑳᓪᒍᕆᒥᓪᓗ. ᓴᖅᑭᑎᑦᓯᒋᐅᓚᐅᕐᒥᔪᑦ ᓯᕗᓪᓕᕐᐹᕐᒥᒃ 737−300 ᖃᖓᑕᓲᕐᓂᒃ, ᓯᕗᓪᓕᖅᐸᐅᓪᓗᓂ −300 ᐲᕋᑦᓴᐅᓪᓗᑎᑦ ᖁᓛᓃᑦᑐᑦ ᓱᓇᒃᑯᑖᒃᑯᕕᖏᑦ. 

ᑕᒪᒃᑮᒃ ᕘᔅ ᐃᐊᓗ (First Air) ᑲᓇᐃᑎᐊᓐ ᓄᐊᑦᓗ ᐱᓕᕆᓪᓚᕆᑦᓯᒪᔫᒃ ᐊᓯᔾᔩᓪᓗᑎᑦ ᖃᖓᑕᓲᓕᕆᓂᕐᒥᒃ ᐅᑭᐅᖅᑕᖅᑐᕐᒥ ᐱᐅᓂᖅᓴᐅᓕᖅᑐᑎᑦ ᐱᔨᑦᓯᕋᕐᓂᕆᕙᑦᑕᖏᑦ ᐅᑭᐅᖅᑕᖅᑐᕐᒥᐅᓂᒃ ᑕᐃᑲᓂ 2018ᒥ ᑕᒪᒃᑮᒃ ᓇᒻᒥᓂᖃᖅᑏᒃ ᒪᑭᕕᒃ ᑯᐊᐸᕇᓴᒃᑯᑦ ᐃᓄᕕᐊᓗᐃᑦ ᐊᕕᑦᑐᖅᓯᒪᔪᓂ ᑯᐊᐸᕇᓴᒃᑯᓪᓗ, ᐅᖃᐅᓯᖃᕆᐊᙵᓚᐅᖅᓯᒪᔪᑦ ᐊᖏᖃᑎᒌᑉᐸᓪᓕᐊᓂᕐᒥᓐᓂ ᐊᑕᐅᓯᕈᖅᑎᑕᐅᓗᓂ ᕘᔅ ᐃᐊᓗ (First Air) ᑲᓇᐃᑎᐊᓐ ᓄᐊᑦᓗ (Canadian North), ᐱᒋᐊᓕᖅᑐᓂ ᐱᖓᓱᓂᒃ ᐊᕐᕌᒍᕐᓂᒃ ᑲᓂᓐᓂᐅᒐᓱᖅᑐᖅᔭ 

ᑲᑎᓐᓂᖅ 

ᐊᑕᐅᓯᕈᖅᑎᑦᑐᒋᑦ ᖃᖓᑕᓲᓕᕆᔩᑦ ᓴᙱᓂᖅᓴᐅᓕᕐᓗᓂ ᐅᑭᐅᖅᑕᖅᑐᕐᒥ ᖃᖓᑕᓲᓕᕆᓂᖅ ᓯᕗᓪᓕᕐᒥ ᐱᒋᐊᓚᐅᖅᓯᒪᔪᖅ ᑕᒪᒃᑮᓐᓂᒃ ᓇᒻᒥᓂᖃᖅᑏᓐᓂᒃ ᐊᖏᖃᑎᒌᑉᐸᓪᓕᐊᓕᕋᒥᓪᓗ ᑲᑎᓐᓂᐊᕆᐊᖅ, ᐱᓕᕆᐊᑦᓴᖅᑖᓚᐅᖅᑐᑦ. ᐱᔨᑦᓯᕋᐃᓐᓇᓕᒫᖅᑐᑎᑦ ᐅᓯᔭᑦᓴᑎᒍᑦ ᐱᔨᑦᓯᕋᕐᓂᒃᑯᓪᓗ ᐃᑭᒪᔪᓂᒃ, ᕘᔅ ᐃᐊ (First Air) ᑲᓇᐃᑎᐊᓐ ᓄᐊᑦᓗ (Canadian North) ᑲᑎᑉᐸᓪᓕᐊᓪᓚᕆᓯᓚᐅᖅᓯᒪᔫᒃ ᐊᑕᐅᓯᕈᓕᖅᑐᓂ ᐅᑭᐅᖅᑕᖅᑐᕐᒥ ᖃᖓᑕᓲᓕᕆᓂᖅ ᔪᓚᐃ 2019ᒥ. 

ᓄᕕᐱᕆ 2019ᒥ, ᓄᑖᖅ ᑲᓇᐃᑎᐊᓐ ᓄᐊᑦ (Canadian North) ᓇᓗᓇᐃᒃᑯᑕᖅ, ᐃᑭᐊᖅᑭᕕᒃ ᐱᔨᑦᓯᕋᕐᓂᕐᒧᓪᓗ ᐊᑐᖅᑕᐅᕙᑦᑐᑦ ᐱᒋᐊᖅᑎᑕᐅᓕᖅᓱᑎᑦ. ᑕᒪᓐᓇ ᐱᒋᐊᕐᓂᖃᓚᐅᖅᑐᖅ ᐊᐅᐸᖅᓯᓪᓗᓂ ᕘᔅ ᐃᐅᒃᑯᑦ ᐃᓄᒃᓱᙳᐊᖓ (First Air Inukshuk) ᓄᑖᕐᒥ ᑲᓇᐃᑎᐊᓐ ᓄᐊᑦᒥ ᓇᓗᓇᐃᒃᑯᑕᕐᒥ ᖃᐅᔨᒪᖃᑦᑕᕐᓂᐊᕐᒪᑕ ᐱᔨᑦᓯᕋᖅᑕᕗᑦ ᓇᒧᙵᓕᕐᒪᖔᑕ. ᐊᕐᕌᒍᑦ ᒪᓕᑦᑐᑦ ᐅᐸᓘᖅᑲᓇᓪᓚᕆᓚᐅᖅᑐᖅ ᐊᑕᐅᓯᕈᖅᑎᑕᐅ ᒐᓱᐊᖅᑐᓂ ᖃᖓᑕᓲᓕᕆᔩᑦ ᐊᐅᓚᓂᖃᓕᖅᓱᑎᓪᓗ ᖃᓂᒪᓐᓇᖅᑐᖅᓯᐅᓕᖅᑐᓂ. ᐊᒥᓱᒻᒪᕇᑦ ᑎᑭᐅᑎᔭᐅᖃᑦᑕᓚᐅᖅᑐᑦ ᐊᑯᓐᓂᖏᓐᓂ 2019ᓗ 2021ᓗ, ᐊᑕᐅᓯᕈᖅᑎᑕᐅᓪᓗᓂ ᖃᖓᑕᓂᕆᕙᑦᑕᖏᑦ, ᐊᑭᖏᑦᑕ ᐋᖅᑭᑦᓯᒪᓂᖏᑦ, ᐃᑭᐊᖅᑭᕕᒃᑯᑦ ᑐᑦᑕᕐᕕᖓ, ᐊᒻᒪᓗ ᐊᑕᐅᓯᐅᓕᖅᑐᓂ ᐊᐅᓚᑦᓯᓂᕐᒧᑦ ᑎᒥᐅᔪᖅ. 

ᐃᓚᖓᑦ ᖁᕕᐊᓇᕐᓂᖅᐸᐅᖃᓯᐅᑎᔪᖅ ᐊᓯᔾᔨᕐᓂᐅᔪᒥ ᓴᖅᑭᖅᑎᑕᐅᒋᐅᕐᓂᖓ ᐊᑕᐅᓯᐅᓕᖅᑐᓂ ᖃᖓᑖᓲᓕᕆᔨᓄᑦ ᓇᓗᓇᐃᒃᑯᑕᖓ ᐃᓘᓐᓇᖏᓐᓄᑦ ᑲᓇᐃᑎᐊᓐ ᓄᐊᑦᑯᑦ (Canadian North) ᖃᖓᑕᓂᕆᕙᑦᑕᓕᒫᖏᓐᓄᑦ. ᕘᔅ ᐃᐊᒃᑯᑦ (First Air) ᐊᐅᓚᓂᖃᓚᐅᖅᓯᒪᔪᖅ ᓇᓗᓇᐃᒃᑯᑕᖃᖅᑐᓂ FIRST AIR−ᒥᒃ ᑲᓇᐃᑎᐊᓐ ᓄᐊᑦᑯᓪᓗ (Canadian North) ᐊᐅᓚᓂᖃᓚᐅᖅᓯᒪᔪᑦ EMPRESS−ᒥᒃ. ᖃᖓᑕᓲᓕᕆᔨ ᓴᙱᓂᖅᓴᐅᓪᓗᓂ ᐊᑕᐅᓯᐅᓕᖅᑎᓪᓗᒍ, ᐊᑐᖅᑕᐅᖃᑦᑕᕐᓂᐊᓕᖅᑐᖅ ᑐᓴᖃᑦᑕᕐᓂᐊᓕᖅᑕᓯ ᖃᖓᑕᓲᖅᑏᑦ ᑕᐃᓯᑎᓪᓗᒋᑦ ΑΡΧΤΙΧ−ᒥ ᐃᓘᓐᓇᖏᓐᓄᑦ ᑲᓇᐃᑎᐊᓐ ᓄᐊᑦᑯᑦ (Canadian North) ᖃᖓᑕᓂᓕᒫᖏᓐᓄᑦ. 

Celebrating the 75th anniversary is a huge milestone for any organization. This year Bradley Air Services Ltd., which operates as Canadian North, is recognizing 75 years of continuous operation (making us one of Canada’s oldest airlines), our far-reaching contributions to Arctic aviation, and our pride in serving northern Canadians. 

Canadian North is jointly owned by Makivik Corporation and Inuvialuit Regional Corporation, Inuit Birthright organizations that represent the social and economic interests of Inuit within Nunavik and the Inuvialuit Settlement Region. They have chosen to invest in an airline because safe and reliable air service is critically important to the health and well-being of all Northerners and is a key contributor to the economic sustainability of Canada’s Arctic. 

We are guided by our overarching Mission — to meaningfully improve the lives of our people, our customers, and the communities we serve. This means connecting our customers to the people, places, and things that matter the most, providing excellent career opportunities throughout our network, and lending support to important events and initiatives through our Community Investment program. 

As an example of one of the many community initiatives that we support, we have shipped over 5,000 life jackets to the North on behalf of Operation Life Preserver, an organization that helps northern youth stay safe in the water. Their volunteers have learned that providing kids with life jackets makes a huge difference in getting them excited about water safety, so Canadian North has been pleased to pitch in and ship them to northern communities. 

“Operation Life Preserver would not have been able to reach so many communities without Canadian North and their commitment to supporting communities,” says Stephanie Rankin, Operation Life Preserver. 

Passenger and cargo customers depend on Canadian North for everything in their lives, whether it’s the groceries on their shelves, goods, and supplies for their homes, access to medical care, or any of their other essential needs. Charter customers are equally dependent on us to efficiently transport the workforce needed to sustain the huge investments made. We make it possible for their workers to earn a living and support their families. 

“Canadian North Cargo is a key partner, customer, and carrier of ours and we want to acknowledge all the great work done throughout the years and really look forward to working together in the years to come!” says Heather Stewart, President, BBE. 

Canadian North is also a premier provider of air charter services for large resource sector clients requiring dependable, efficient, and economical fly-in/fly-out charter services. Offering charter flights across North America and beyond for sports teams, being the official charter jet for the CFL, cruise lines, and other large groups. 

Every year we ship approximately 350,000 passengers and 22 million kilograms of freight and mail throughout our vast and comprehensive route system. Most of our scheduled flights are operated with Boeing 737-400, 737-300, 737-200, and ATR 42 ‘Combis’ that enable us to handle split combinations of passengers and freight. These incredibly versatile aircraft are equipped with oversized cargo doors and many of them even have removable seating and moveable bulkheads. We have also added “baggage boxes” to our ATR aircraft that enable us to safely carry additional baggage and freight when required. This flexibility enables us to continually adjust our capacity to efficiently meet the needs of our customers. 

History 

Our 75-year history is filled with great stories and fond memories including First Air, Canadian North Inc., and Bradley Air Services spanning 75 years of aviation. 

In 1946, Bradley Air Service began as a flight school in Ottawa, Ontario, founded by aviation pioneer Russell Bradley, along with Welland (Weldy) Phipps. In 1958, Weldy Phipps pioneered one of the most cutting-edge inventions that changed aviation in the Arctic forever, the tundra tire. This innovative piece of technology allowed for smoother landings on Arctic terrain using oversized balloon tires, which, when fitted onto small aircraft like the Piper Super Cub, which was popular during this period, allowed them to land and take off safely from tundra-based airfields. This invention revolutionized northern air travel forever, making many more sites usable as runways. 

Over the next 10 years, Bradley Air Services expanded the charter operation in the Arctic by adding larger aircraft such as De Havilland Beavers and single-engine Otters. By 1971, Twin Otters made up the backbone of the fleet because of their versatility and dependability in northern climates. These new capabilities enabled Bradley to open a base in Resolute Bay in 1973 and 1975 we began serving the North as First Air. 

By 1989, Canadian Airlines established Canadian North Inc. to service northern communities. At this point First Air had opened a base in Iqaluit, (at that time it was known as Frobisher Bay, Northwest Territories), they purchased Baffin operations and expanded their services to what is now Nunavut. By 1986, First Air linked the Baffin region to Ottawa by commencing the use of a B727 jet service. As 2008 rolled around, Canadian North Inc. was operating their own aircraft and crew, adopting a new logo that depicted a polar bear, midnight sun, and aurora borealis. They had also expanded into Nunavut serving the Qikiqtaaluk and the Kitikmeot Region with newly purchased De Havilland Dash-8 aircraft. 

In 2015, Canadian North Inc. had opened charter terminals in both Edmonton and Calgary. There was also an introduction of their first 737-300 Combi aircraft, which was the world’s first -300 with a moveable bulkhead. 

Both First Air and Canadian North did so much to change aviation in the Arctic resulting in better service to the communities in the North that in 2018 both owners, Makivik Corporation and the Inuvialuit Regional Corporation, announced a tentative agreement to merge First Air and Canadian North, beginning the three-year merger journey. 

The Merger 

Uniting the airlines into one strong unified northern airline first originated from both ownerships and once they had tentatively announced an agreement to do so, it was time to get to work. While keeping their service levels up for cargo customers and passengers, First Air and Canadian North officially began the journey of becoming one northern airline in July 2019. 

By November 2019, the NEW Canadian North branding, website, and customer experience launched. This launch began by proudly going red with the First Air Inuksuk on the New Canadian North livery to help guide travellers and cargo to their destination. The next few years would be very busy for the airline as it worked hard to align two airlines as one and navigate through a pandemic. Countless merger milestones happened between 2019 and 2021 from a unified schedule, pricing structure, intranet communication landing page, and the single AMO (Approved Maintenance Organisation). 

One of the more exciting changes that came from the merger was the introduction of a new single-call sign for all new Canadian North flights. Originally First Air was operating under the call sign FIRST AIR and Canadian North was operating under EMPRESS. With the airline becoming one strong unified airline, moving into a new generation you will hear pilots call ARCTIC for all Canadian North flights. 

Previous articleEnding hunger in Inuit communities is possible. Here’s how
Next articleLemming cycles